Parlament Senatynyń depýtaty Aınur Arǵynbekova EQYU Parlamenttik assambleıasynyń Venada ótken 24-qysqy otyrysyna qatysty.
Otyrys barysynda EQYU PA-nyń Saıası máseleler jáne qaýipsizdik, Demokratııa, adam quqyqtary jáne gýmanıtarlyq máseleler, Ekonomıka, ǵylym, tehnologııalar jáne qorshaǵan orta máseleleri jónindegi jalpy komıtetterinde, sondaı-aq Turaqty komıtette kezdesýler ótti. Is-sharaǵa EQYU óńiri elderinen kelgen 240-tan asa parlamentshi qatysty.
Qaýipsizdik pen adam quqyqtary salasyndaǵy yntymaqtastyqtyń negizin qalaǵan basty qujat – Helsınkı Qorytyndy aktisiniń 50 jyldyq mereıtoıyna erekshe nazar aýdaryldy.
Senator sessııa barysynda EQYU Parlamenttik assambleıasy tóraǵasynyń ekologııalyq máseleler jónindegi orynbasary Pere Ponspen jáne assambleıanyń Ortalyq Azııa jónindegi arnaıy ókili Fara Karımımen de kezdesti. Sondaı-aq Aýstrııa Ulttyq keńesiniń depýtaty, EQYU PA tóraǵasynyń orynbasary Gýdrýn Kýgler, Horvatııa Saborynyń depýtaty Zvonımır Troskot jáne Fınlıandııa Parlamentiniń depýtaty Vılla Skınnarımen de ekijaqty kezdesýler ótti.
Senator birqatar taqyryptyq, onyń ishinde kólik dálizderin damytýǵa baǵyttalǵan Jibek jolyn qoldaý tobynyń 15-otyrysyna, sondaı-aq demografııalyq daǵdarysqa arnalǵan pikirtalasqa qatysty.