Aýyl sharýashylyǵy mınıstrligi Qazaqstan resmı túrde Eýropalyq Odaq elderine bal eksporttaýǵa ruqsat alǵanyn habarlady, dep jazady Egemen.kz.
Ruqsat qaýlysyn Eýropalyq Komıssııa 21 aqpan kúni jarııalaǵan. Mınıstrlik osy baǵytta nátıjege jetý úshin baldaǵy qaldyq zattardy baqylaýdyń Ulttyq josparyn ázirlep, engizý boıynsha aýqymdy jumys júrgizgen.
Eýropalyq Komıssııa qaýlysynyń 2-babyna sáıkes, bul sheshim Eýropalyq Odaqtyń Resmı jýrnalynda jarııalanǵan kúnnen bastap jıyrma kún ótken soń kúshine enedi.
EO Komıssııasynyń talaptaryna sáıkes, osy Tizimge qosylý úshin aýmaqtyq ınspeksııa ótinishti Veterınarııalyq baqylaý jáne qadaǵalaý komıtetine joldaǵan kezde mynadaı qujattardy usynýy qajet:1. Kásiporynnyń EO-nyń ımporttyq normalary men talaptaryna sáıkestigin rastaıtyn Komıtettiń aýmaqtyq ınspeksııasynyń kepildik haty;2. Kásiporynǵa júrgizilgen veterınarııalyq baqylaý jáne qadaǵalaý tekserýleri aktileri jáne onyń EO talaptaryna sáıkestigi týraly qorytyndy;3. Kásiporynda óndiristik baqylaý júıesi men HASSP júıesiniń jumys isteıtinin rastaıtyn qujattar.4. Kásiporyn týraly derekter kórsetilgen, aǵylshyn jáne orys tilderinde toltyrylǵan tıisti keste.