ASTANA. 9 aqpan. Jambyl oblysynyń aýmaǵynda iri jol-kólik oqıǵasy oryn aldy. Astanadan Shymkentke bara jatqan jolaýshylar avtobýsy trassa boıynan taıǵanap ketip, joldyń jıegine soqqan. Aldyn ala málimet boıynsha, 10 adam qaza tapqan. Bul týraly Tengrinews.kz habarlady.
Qoldaǵy bar málimetter boıynsha, avtobýstyń apat ushyraý oqıǵasy Almaty – Ekaterınbýrg trassasynyń 395-shaqyrymynda, Jambyl oblysyndaǵy Prıozer eldi mekenine jaqyn jerde bolǵan. Nátıjesinde, «Prıozer qalalyq ortalyq aýrýhanasy» kommýnaldyq kásipornynyń habarlaýynsha, 10 adam jantásilim etken.
Tótenshe jaǵdaılar mınıstrliginiń qyzmetkerleri 4 zardap shegýshini Prıozer qalalyq aýrýhanasyna jetkizdi. Olardyń 3-i er kisi bolsa, 1-i áıel. Er kisilerdiń bireýi Qyrǵyzstan azamaty bolsa, áıel ekiqabat eken. Qazir bir erkek pen áıel Balqashtaǵy aýrýhana jiberildi. Taǵy bir zardap shegýshi Almatyǵa jóneltildi. Dárigerdiń aıtýlarynsha, ekiqabat áıeldiń ishtegi balasyn saqtap qalýdyń oraıy kelgen.
Qurysh Nurymbet.
Derek, foto: Tengrinews.kz.