Jańarýǵa, sapalanýǵa bet túzegen elimizde ár sala jaýapkershilik júgin sezinedi. Mysaly, kórgen kıno, oqyǵan aqparat, jańǵyrtylǵan eskertkish, basylǵan kitap, oryndalǵan án-kúı, qoǵamdy jumyldyrǵan eriktiler qozǵalysy, t.b. – barlyǵy sana-sezimge iz qaldyrmaı qoımaıdy.
Máselen, 2024 jyly Mádenıet jáne aqparat mınıstrliginiń qoldaýymen 15 kınojoba máresine jetip, 16 ulttyq fılm prokatqa shyǵypty. Aıtarlyqtaı kórsetkish emes pe? Shyǵyp jatqan qanshama kitap bar. Ashylyp jatqan kreatıvti habtardyń qaı-qaısyna barsańyz da, óner men mádenıettegi jańalyqtardan kóz tunady. Bulardyń bári – rýhanı álemimizdiń basty qoregi. Qazir jaı ǵana tamashalap ketkenimizben, ol qoǵamnyń rýhanı deńgeıin kóterip jatqany sózsiz. Adamzat ómirinen mádenıet pen aqparatty alyp tastasa, eshqandaı mán-maǵyna qalmas edi. Bul salada atqarylyp jatqan ister eleýli de eńseli. Munyń dáleli – tómendegi naqty derekter.