AQTAÝ. 9 aqpan. Mańǵystaý oblysynda Assambleıa jyly jasalatyn birqatar sharalar týraly aıtyldy. Bul týraly egemen.kz tilshisi habarlady.
Mańǵystaýda merekelik sharalardyń alǵashqy legi aqpan aıynda bastalady. Etno-mádenı birlestikter shyǵarmashylyq ujymdarynyń óner baıqaýy ótip, onda ózge ult ókilderi memlekettik tilde án oryndap, ulttyq aspapta oınaý sheberlikterin synǵa salady. Sodan soń etno-mádenı birlestikter jastary arasynda qazaq tilin bilý deńgeıinen saıys ótip, jeńimpazdar respýblıkalyq baıqaýǵa joldama alady. Sondaı-aq, Aqtaý qalalyq ákimdigi men Mańǵystaý oblystyq Assambleıa hatshylyǵy birlese júrgizetin «Bir shańyraq astynda» jobasy óz jalǵasyn taýyp, etno-mádenı birlestikter ózara óner jarystyratyn bolady. Bul joly Qazaqstanda turatyn ulttardyń tilinde án shyrqap, olardyń ulttyq aspaptarynda oınaýdan synǵa túsedi.
Mańǵystaýda Túrkistan qalasynan bastaý alǵan «QHA-20 qaıyrymdy is» aksııasyn qoldaý sharalary bastalǵan. «Qazaqstan koreıleri» Assosıasııasy Mańǵystaý oblystyq fılıaly tósek tartyp jatqan naýqastarǵa dári-dármek taratsa, «Rýsskoe zemlıachestvo» ujymy jýyrda ardagerlerdi quttyqtap, olarǵa syılyqtar tapsyryp, materıaldyq turǵyda kómek berdi.
Qazaqstan halqy Assambleıasy Mańǵystaý oblystyq hatshylyǵynyń meńgerýshisi G.Ismýrzınanyń aıtýynsha, respýblıkalyq kólemde ótetin Assambleıa kafedralarynyń baıqaýyna jýyrda ǵana Aqtaýdaǵy Kaspıı memlekettik tehnologııalyr jáne ınjınırıng ýnıversıteti janynan ashylǵan kafedrada qatysatyn bolady.
Gúlaıym Shyntemirqyzy.
Derek: egemen.kz.
Sýret: shalkarfm.kz.