Ulytaý oblysynyń ákimdigi men «Qazsınk» JShS yntymaqtastyq pen ózara is-qımyl týraly memorandýmǵa qol qoıdy.
Jalpy, oblys ákimdigi men «Qazsınk» kompanııasy arasyndaǵy yntymaqtastyq 2022 jyldyń qarasha aıynda bastalǵan. Sodan beri aımaqtyń damýyna, turǵyndardyń ómir súrý deńgeıin arttyrýǵa oń áser etken kóptegen joba iske asyryldy. Memorandým Ulytaý oblysynyń ekonomıkalyq damýyn qoldaýǵa, áleýmettik, ınfraqurylymdyq jobalardy júzege asyrýǵa baǵyttalǵan. Qujatqa qol qoıý barysynda oblys ákimi Dastan Ryspekov pen «Qazsınk» JShS-nyń bas dırektory Janat Janbotın taraptardyń seriktestigi óńirdiń turaqty damýyna eleýli úles qosatynyn atap ótti.
Qujatqa sáıkes, «Qazsınk» JShS bıyl Ulytaý oblysyndaǵy Jáırem kentinde iske asyrylyp jatqan 10 áleýmettik jobany qarjylandyrady. Jobalar densaýlyq saqtaý, sport, ınfraqurylym, áleýmettik nysandardy abattandyrý salalaryn qamtıdy.
2025 jylǵa arnalǵan iri bastamalardyń ishinde sport kesheniniń qurylysy, 60 páterli turǵyn úı qurylysy, aýmaqty abattandyrý jumysyn erekshe atap ótken jón. Sondaı-aq bıýdjet salasynyń qyzmetkerlerine 20 páter satyp alý josparda bar.