Taıaýda halyqaralyq «S&P Global Ratings» agenttigi elimizdiń táýelsiz reıtıngin rastady.
Agenttik ishki jalpy ónim (IJО́) qurylymynda munaıǵa jatpaıtyn sektordaǵy ósimniń oń áserin, fıskaldyq turaqtylyqty, syrtqy rezervterdegi kólemniń aýqymdylyǵyn jáne syrtqy qaryzdyń kólemi qalypty ekenin atap ótken. Agenttiktiń boljamy boıynsha, munaı óndirisindegi ósim, sol sekildi ekonomıkany yntalandyrý men ártaraptandyrýǵa jumsalatyn memlekettik shyǵystar, áleýmettik qamsyzdandyrý ekonomıkanyń 2025 jyly 4,9% jáne 2026 jyly 3,4% deńgeıinde ósýine yqpal etetin bolady.
S&P pikirinshe, ınflıasııany tejeý jáne ekonomıkany qoldaý baǵdarlamalaryna qatysýdy azaıtý boıynsha Ulttyq bank qabyldaǵan sharalar aqsha-kredıt saıasatynyń tıimdiligin birtindep arttyrýǵa sep bolady. Sarapshylar 2024 jyldyń aıaǵynda ınflıasııanyń máni 8,6%-ǵa deıin tómendegenine nazar aýdarady. Depozıtterdi dollarlandyrý deńgeıi men ulttyq valıýta baǵamy odan ári turaqtalady dep kútiledi.
IJО́ qurylymynda munaıǵa jatpaıtyn sektordyń ósýin jedeldetý jáne fıskaldyq sharalardyń tıimdiligin arttyrý jónindegi reformalardy tabysty iske asyrǵan jaǵdaıda eldiń kredıttik reıtıngin arttyrý múmkin bolmaq.