ATYRAÝ. 9 aqpan. Atyraý oblysynda oryn alǵan kólik apatynan Ýkraınanyń úsh azamaty qaıtys boldy. Bul týraly egemen.kz tilshisi habarlady.
Jol-kólik oqıǵasy 7 aqpanda 15.30 saǵatta Atyraý-Qulsary-Beıneý baǵytyndaǵy kúre jolda oryn alǵan. Almaty turǵyny basqarǵan «Mercedes-Benz» aýyr júk kóligi men Toyota Previ shaǵyn avtobýsynyń soqtyǵysqan. Jol-kólik oqıǵasy bolǵan jerde Ýkraınanyń úsh azamaty, ıaǵnı, shaǵyn avtobýstyń rólinde otyrǵan 50 jasar er adam, sonymen birge, 33 jastaǵy áıel men 14 jasar jasóspirim mert boldy.
«Úsheýi de Lýganska qalasynyń turǵyndary. Bul azamattar 7 aqpanda Qazaqstan-Reseı shekarasyndaǵy «Qurmanǵazy» baqylaý-ótkizý beketi arqyly el aýmaǵyna ótken. Qujattaryna qaraǵanda olar Dýshanbe qalasyna baǵyt alǵan. Joldyń taıǵaq bolýy saldarynan shaǵyn avtobýys qarsy baǵytqa shyǵyp ketken», dedi Atyraý oblystyq ishki ister departamentiniń baspasóz hatshysy Gúlnazıra Muhtarova.
Joldasbek Shópeǵul.
Derek: Atyraý oblystyq ishki ister departamenti.
Sýret: azh.kz.