Jezqazǵanda kóshi-qon zańnamasyn buzǵany úshin Serra-Leone azamatyna aıyppul salyndy. Bul týraly Ulytaý oblystyq sotynyń baspasóz qyzmeti habarlady, dep habarlaıdy Egemen.kz.
Sot materıaldaryna sáıkes, is fıgýranty – «K.» esimdi azamat elde ruqsat etilgen ýaqyttan artyq qalyp, ruqsatsyz eńbek qyzmetimen aınalysqan. Ol Jezqazǵan qalasynda jergilikti kásipkerdiń qaramaǵynda aǵylshyn tili pániniń muǵalimi bolyp jumys istegen.
Sot otyrysynda sheteldik azamat kinásin tolyq moıyndap, zań talaptaryn bilmegenin aıtyp, aıyppulmen shekteýdi surady.
Sot kináni tolyq moıyndaýyn jeńildetetin mán-jaı retinde eskerip, oǵan 25 AEK (98 300 teńge) kóleminde aıyppul saldy.
Sottyń qaýlysy ázirge zańdy kúshine engen joq.