Prokýratýranyń qadaǵalaý aktisi boıynsha Bólim basshylyǵy ÁQBtK-niń 207-baby 1-bóligimen ákimshilik jaýapkershilikke tartylyp, oǵan 1 mln teńge mólsherinde aıyppul salyndy, dep habarlaıdy Egemen.kz oblystyq prokýratýranyń baspasóz qyzmetine silteme jasap.
Bulandy aýdanynyń prokýratýrasy memlekettik satyp alý týraly zańnamany saqtaý máselesi negizinde aýdandyq bilim bóliminiń qyzmetine taldaý júrgizilgen.
«2022-2024 jyldar boıy memlekettik satyp alýdy uıymdastyrý jáne ótkizý kezinde Bólim tehnıkalyq erekshelikte satyp alynatyn taýardyń jeke ónim berýshige tıesiligin aıqyndaıtyn taýar belgilerin, fırmalyq ataýlaryn, óndirýshiniń ataýlaryn zańsyz kórsetkeni anyqtaldy. Atap aıtqanda, kúzet-órt dabyly júıeleriniń jabdyqtaryn, keńse tehnıkasyn, sondaı-aq qurylys materıaldaryn satyp alýǵa 11 shart anyqtaldy», delingen habbarlamada.
Vedomstvonyń habarlaýynsha, joǵaryda atalǵan zań buzýshylyqtar básekelestikti edáýir taryltady jáne áleýetti ónim berýshilerdiń aýqymyn shekteıdi.