Elorda turǵyny ulyn belgisiz bireýlerdiń ustap otyrǵanyn aıtyp, polısııaǵa shaǵymdanǵan, dep jazady Egemen.kz.
Bopsalaýshylar toby ulyn bosatý úshin áıelden 200 myń teńge talap etken.
Polısııa áıel aıtqan aqparat negizinde kúdiktilerdiń jolyn Kókshetaýda kesti. Olar mingen kólik 1 naýryz kúni qaladaǵy beınebaqylaý kameralaryna túsip qalǵan.
Avtokólik týraly aqparat dereý patrýldik jasaqtarǵa jiberilip, júrgizýshi men jolaýshylar polısııaǵa jetkizilgen. Tintý kezinde bir jolaýshydan 45 túıinshek tabylǵan. Polısııa tabylǵan zattyń sıntetıkalyq esirtki bolýy yqtımal ekenin málimdedi. Ázirge túıinshekter saraptamaǵa jiberilgen.
Taǵy eki kúdikti bopsalaý faktisine qatysty tergelip jatyr.