2025 jylǵy 16 qańtardan bastap turǵyn úı sertıfıkattaryna ótinim qabyldaý bastaldy. Aqpan aıynyń qorytyndysy boıynsha jalpy somasy 47,9 mıllıon teńgeniń turǵyn úı sertıfıkattary tabystalǵan, dep habarlaıdy Egemen.kz.
Aıta keteıik, turǵyn úı sertıfıkaty áleýmettik kómek retinde qaryz somasynyń 10%-y, biraq 1 000 000 (bir mıllıon) teńgeden aspaıtyn mólsherde qaıtarymsyz negizde beriledi.
Tegin turǵyn úı sertıfıkattarynyń ıeleriniń qatarynda múmkindigi shekteýli jandar, kóp balaly otbasylar, erekshe qajettilikteri bar balalardy tárbıelep otyrǵan ata-analar, tolyq emes otbasylar, jetim balalar jáne bıýdjettik uıymdardyń qyzmetkerleri bar.
Turǵyn úı sertıfıkattaryna ıe bolǵan azamattardyń sanattary:
I jáne II toptaǵy múgedektigi bar adamdar – 10; Múgedektigi bar balany tárbıelep otyrǵan otbasylar – 9; Jetim jáne ata-anasynyń qamqorlyǵynsyz qalǵan balalar – 5; Kópbalaly otbasylar – 16; Tolyq emes otbasylar – 8; Bıýdjettik mekeme qyzmetkerleri – 3Sonymen qatar bıyl 500,0 mıllıon teńgege qaıtarymsyz negizde turǵyn úı sertıfıkattaryn berý josparlanǵan. Jyl basynan beri 103 azamatqa turǵyn úı sertıfıkaty berilgen.