Astana qalasy Advokattar alqasynyń advokaty Balgúl Raısova «Qazaq gazetteri» seriktestigi ujymyna sot materıaldarymen jumys isteý kezinde BAQ ókilderiniń eskerýi tıis máseleler týrasynda ádistemelik jıyn ótkizdi, dep habarlaıdy Egemen.kz.
Kezdesý barysynda aqparatty elekten ótkizip, ony obektıvti túrde usynýdyń erekshelikteri men kiltıpandary sóz etildi. Ásirese, sot prosessindegi «jarııalylyq» uǵymyna túsinikteme berilip, jýrnalıstiń quqyqtyq negizderi baıandaldy.
«El nazaryna jan-jaqty saraptalaǵan shynaıy aqparatty usyný – BAQ ókilderiniń mindeti. Osy mindettiń údesinen shyǵý úshin jýrnalıstiń quqyqtyń saýaty joǵary bolýy shart», dedi B. Raısova.
Sonymen qatar advokat seriktestik tilshilerine azamattardyń quqyǵyn qorǵaýǵa baǵyttalǵan sapaly materıaldar daıyndap, olardyń baspaǵa jedel jarııalanýyna, sot bıligi organdarymen tyǵyz qarym-qatynas ornatyp, belsendi jumysy úshin alǵys bildirdi.