Qaraǵandy oblystyq polısııa departamenti aýar raıynyń kúrt buzylýyna baılanysty óńirdegi respýblıkalyq jáne oblystyq mańyzy bar trassalarda kólik qozǵalysyna shekteý engizdi, dep habarlaıdy Egemen.kz.
At qulaǵy kórinbeıtin aq tútek borannan júzdegen kólik jolda qalyp, qutqarýshylardyń kómegine májbúr bolǵan.
- О́ńir trassalarynda 719 jeńil kólik, 605 júk kóligi jáne 16 qoǵamdyq kólik jolda qalǵan. Aýa raıynyń buzylýy qozǵalysty qıyndatyp, jol-kólik oqıǵasyn týyndatty. Máselen, Qaraǵandy-Temirtaý jolynda birneshe kólik soqtyǵysqan úsh jol-kólik oqıǵasy boldy. Zardap shekkender joq. Apatqa negizinen joldyń nashar kórinýi jáne júrgizýshilerdiń jyldamdyq rejımin saqtamaýy sebep boldy, - dep habarlady polısııa.
Polısııa qyzmetkerleri oblys turǵyndaryn uzaq jolǵa shyqpaýǵa, jol erejesin saqtaýǵa jáne marshrýttardy josparlaý kezinde aýa-raıyn eskerýge shaqyrady.