Rýhty oıatqan tulǵa

Alqaly jıynǵa belgili ǵalymdar, memle­ket jáne qoǵam qaırat­kerleri, aqynnyń týystary, Qostanaı oblysynyń delegasııasy men Astana qalasyndaǵy M.Dýlatuly atyndaǵy mektep muǵalimderi men oqýshylary qatysty.

Is-shara tizginin ustaǵan Ult­tyq mýzeı dırektory Berik Ábdi­ǵalıuly Alash arysynyń ult­qa sińirgen eńbegi týraly aıta kele, 140 jyldyq mereıtoıyn memlekettik deńgeıde atap ótýdiń mańyzyna toqtaldy.

Sondaı-aq Qostanaı oblysy ákiminiń orynbasary Arman Ábenov mereıli datanyń aıasynda Tobyl – Torǵaı óńirinde Alash arysynyń elge sińirgen eńbegin atap ótip, murasyn halyq arasynda nasıhattaýǵa baǵyttalǵan 140 is-shara uıymdastyrylatynyn jetkizdi.

Jıyn barysynda sóz al­ǵan ádebıetshi, tarıhshy ǵalym­dar M.Dýlatulynyń qazaq tarı­hyn­daǵy rólin, onyń Alash qoz­ǵalysyna belsendi qaty­sýyn,­ ult táýelsizdigi men ulttyq sa­na-sezimin damytýdaǵy eńbegin ke­ńinen taldady. Sondaı-aq onyń tarıhı kózqarastary men saıa­sı kúresteriniń qazaq halqy­nyń bolashaq tarıhy úshin úlken mańyzǵa ıe ekenin aıtty. «Uly dala órkenıeti kúırep jatqan kezde aqyn-jyrshylar memlekettiligimizden aıyrylyp, bodan boldyq dep júrgende, ul­tymyzdyń rýhanı jańǵyrýyn ja­saǵan osy Alash zııalylary edi. Mirjaqyp syndy qaırat­ker­ler – qazaqty sapaly ultqa aınal­dyr­ǵan tulǵalar. «Qazaq rýhyn oıat­qan tulǵa» degenimiz – kór­kem sóz emes, bul naqty fakt», dedi Májilis depýtaty Erkin Ábil.

Atalǵan is-shara «Torǵaı Jan­geldın mýzeıler kesheni» KMM-­men birlesip uıymdastyrylyp ­otyr. Ekspozısııada M.Dýlatuly­­nyń otbasyna baılanysty jádiger­ler jurtshylyq nazaryna alǵash ret usynylyp otyr. Foto jáne ­ar­hıv qujattarymen qatar M.Dýlat­uly men áıeli Ǵaınıjamal­dyń, balalary Álibek pen Gúlnár­diń jeke zattary, sondaı-aq otba­synda qoldanǵan turmystyq zat­tar bar.

Kórme Ulttyq mýzeıdiń 6-qa­batyndaǵy kórme zalynda 27 sá­ýirge deıin jalǵasady.