QOSTANAI. 4 mamyr. Qostanaıdaǵy № 2 sot oblystyq ishki ister departamentiniń ákimshilik polısııasy basqarmasy tabıǵat qorǵaý polısııasynyń ınspektory Tımýr Qudabaevty qarý satpaq bolǵan jerinde ustady. Bul týraly egemen.kz tilshisi habarlady.
Sottyń baspasóz qyzmeti habarlaǵandaı, Qudabaev qarý jóndeıtin shebermen kezdesip, shaǵyn kalıbrli sholaq vıntovka men ańshy myltyǵyn satyp berýdi usynady. Ol vıntovkany 80 myń, ańshy myltyǵyna 30 teńge suraıdy. Qudabaevty qarýlardy ákelip turǵan jerinde ony oblystyq ishki ister departamenti jeke qaýipsizdik basqarmasynyń qyzmetkerleri ustady.
Bul týraly QR QK 3 bóliminiń 287 baby boıynsha is qozǵaldy. Sot Qudabaevty qamaý jóninde sanksııa shyǵardy, eger ol 891 900 teńge tólese sotqa deıin bostandyqta bolýyna quqy bar. QR QK 3 bóliminiń 287- baby boıynsha zańsyz qarý satpaq bolǵan Qudabaev 5000 aılyq kórsetkish kóleminde aıyp tóleýi nemese ony jumyspen óteýi múmkin. Olaı bolmaǵan jaǵdaıda bir jylǵa deıin bostandyǵy shekteledi nemese bas bostandyǵynan aıyrylady.
Názıra Járimbetova.
Derek: ng.kz
Sýret: egemen.kz