Senat Tóraǵasy Máýlen Áshimbaev Halyqaralyq áıelder kúnine oraı Facebook jáne Instagram áleýmettik jelilerinde jazba qaldyrdy, dep habarlaıdy Egemen.kz aqparat agenttigi.
Jazbada bylaı delingen:
- Kóktem merekesimen shyn júrekten quttyqtaımyn!
Meıram qarsańynda birqatar áriptesimiz joǵary nagradalarmen marapattalǵan bolatyn. Búgin ujym bolyp senator áriptesterimizdi jáne Palata apparatyndaǵy qyz-kelinshekterdi Halyqaralyq áıelder kúnimen quttyqtap, sol marapattardy saltanatty túrde tapsyrdyq.
Búginde qazaqstandyq áıelder ózderiniń qajyr-qaıratymen eldiń damýyna úlken úles qosyp keledi. Osy oraıda Senattaǵy arýlarymyzdyń óte belsendi ekenin atap ótken jón. Olar halyq senimin abyroımen aqtap, Prezıdentimiz Qasym-Jomart Kemeluly Toqaevtyń reformalaryn iske asyrý úshin aıanbaı eńbek etip júr.
Apparattaǵy ápke-qaryndastarymyzdyń da el úshin atqaryp kele jatqan eńbekteri zor. Shyn máninde, Palatada qabyldanatyn ár sheshimde olardyń úlesi mol.
Osyǵan baılanysty Senattaǵy barlyq er azamattyń atynan arý áriptesterimizge alǵys aıta otyryp, taǵy da kóktem merekesimen shyn júrekten quttyqtaımyn! Barshańyzǵa amandyq, baq-bereke jáne barlyq isterińizge sáttilik tileımiz!