Aqmolada Belarýs tehnıkalary qurastyrylýda

Aqmola oblysyna Belarýs Respýblıkasy О́nerká­­­sip mı­nıstrliginiń syrtqy ekono­mıkalyq qyzmet basqarmasynyń basshysy Vladımır Volchok bastaǵan bir top belarýstik is­ker azamattar keldi. Belarýstikterdiń óńirge sa­parynyń basty maqsaty Eýra­zııa­lyq ekonomıkalyq odaq aıasyn­da qurylǵan «Aýyl sharýa­shylyǵy jáne kommýnal­dyq tehnıkalarynyń Qazaqstan-Belarýs ındýstrııalyq-tehno­logııalyq parki» ınves­­tı­sııalyq jobasyn júzege asyrý barysymen tanysý jáne aldaǵy josparlaryn talqylaýǵa arnaldy. Atalǵan joba 2012 jyly qolǵa alyna bastady. Munda­ǵy maqsat Belarýs eliniń kom­mýnal­dyq jáne aýyl sharýa­shy­ly­ǵy salasy­nyń ozyq tehnıkalaryn elimizde qurastyryp, eki el arasyndaǵy saýda-ekono­mıkalyq baılanys­ty nyǵaıtý bolyp tabylady. Jobanyń birin­shi kezeńin júzege asyrý úshin 2014 jyly Belarýs eli­niń «Mınsk traktor zaýyty» ashyq aksıonerlik qoǵamy jáne otan­dyq «Qazaqstannyń agroın­novasııalyq korporasııa­sy» jaýapkershiligi shekteýli seriktes­tigi birlesip, «MTZ-QAIK» se­riktestigin qurǵan bolatyn. Al ótken jyly atalǵan jobany Indýstrııalandyrý kartasyna engizý úshin oblys ákimdiginiń janyndaǵy óńirlik úılestirý keńesiniń sheshimimen qoldaý taýyp, Indýstrııalandyrý kartasyna engizildi. Sondaı-aq, sýmen, elektr qýatymen jabdyqtaý, káriz jáne jylý júıesi tárizdi ınfraqurylymdy tartý máselesi de oń sheshimin tapqan. Jalpy, belarýstik kompa­nııanyń Aqmola oblysymen iskerlik baılanysy 2010 jyldan bastaý alady. Osy aralyqta 5 mıllıonǵa jýyq AQSh dollaryna 7 túrli tehnıkanyń 500 danasy qurastyrylyp shy­ǵaryl­ǵan. Bular negizinen otan­das­tarymyz tarapynan suranys­qa ıe kommýnaldyq jáne aýyl­sharýashylyq tehnıkalary bolyp tabylady. «Qazaqstan bizdiń stra­tegııa­lyq áriptesimiz. Munda Bela­rýs ónimderine suranys joǵary. Osyndaǵy ındýstrııa­lyq-teh­nologııalyq park osy baǵyt­ta birlese istep jatqan jumys­tarymyzdyń jemisi. Sondyqtan, al­daǵy ýaqytta ónim kólemin art­tyrý josparda bar. Bul eki jaqqa tıimdi ekendigi sózsiz», deıdi Belarýs Respýblıkasy О́ner­­kásip mınıstrliginiń syrt­qy ekonomıkalyq qyzmet basqar­ma­synyń basshysy Vladımır Volchok. Baqbergen AMALBEK, «Egemen Qazaqstan». Aqmola oblysy.