Túrkistan oblysynyń turǵyny áleýmettik jeli arqyly terrorızm men qarýly jıhadty nasıhattaǵany úshin 7 jylǵa bas bostandyǵynan aıyryldy, dep habarlaıdy Egemen.kz.
Sot materıaldaryna sáıkes, 2023 jyldyń naýryz aıynan bastap aıyptalýshy Telegram arqyly tanystaryna radıkaldyq dinı ıdeıalardy jáne qarýly jıhadqa shaqyratyn vıdeomaterıaldardy taratqan. Tergeý onyń bul áreketterin terrorızmdi nasıhattaý dep tanydy.
«Aıyptalýshy R. óz kinásin tolyq moıyndady. Onyń kinási sot-medısınalyq saraptamanyń qorytyndylary, kýágerlerdiń aıǵaqtary jáne ózge de dálelder arqyly rastaldy», — delingen sot habarlamasynda.
Memlekettik aıyptaýshy sottan 8 jyl jaza berýdi surady. Alaıda sottalýshynyń kámeletke tolmaǵan balalary bar ekenin eskerip, oǵan 7 jyl bas bostandyǵynan aıyrý jazasyn taǵaıyndady.