Almatydaǵy áýejaıda kepilge alynǵan qyzmetkerdi qutqaryp, elge erligimen tanylǵan Musa Ábdiraıym Búkilálemdik boks keńesiniń (WBC) beıbitshilik elshisi bolyp taǵaıyndaldy, dep habarlaıdy Egemen.kz.
Bul týraly WBC uıymynyń prezıdenti Hose Sýleıman áleýmettik jelidegi paraqshasynda jarııalady.
Hose Sýleıman Musa Ábdiraıymmen telefon arqyly sóılesip, onyń is-áreketine, batyldyǵyna tánti bolǵan. Sóıtip, ony resmı túrde uıymnyń beıbitshilik elshisi dep jarııalady.
- Onymen qatar turǵanymdy maqtan tutamyn. Sport úshin ǵana emes, adamzat úshin naǵyz batyr, – dedi uıym basshysy.
Artynan áýejaıdaǵy oqıǵada batyldyq tanytqany úshin Prezıdent Musa Ábdiraıymdy «Erligi úshin» medalimen nagradtady.