Bıyl Jambyl oblysynda 20 eldi meken aýyz sýmen qamtylady. Sonymen qatar birneshe aýylǵa keshendi blok modýl ornatylady, dep habarlaıdy Egemen.kz
Oblys ákimdigi energetıka jáne turǵyn úı-kommýnaldyq sharýashylyq basqarmasynyń basshysy Ǵalym Isaqovtyń aıtýynsha, óńirde tórt qala jáne 367 aýyl bar kórinedi. Qazirgi kezde óńirde tirshilik nárinen taryǵyp otyrǵan 24 eldi meken jáne Taraz, Shý qalalarynda 9 turǵyn alaby bar.
«Osy jyly 20 eldi mekenge aýyz sý júıesiniń qurylysyn júrgizý, sondaı-aq halyq sany az bolýyna baılanysty Moıynqum, Merki, Qordaı aýdandaryna qarasty 4 aýylǵa jergilikti bıýdjet esebinen keshendi blok-modýl ornalastyrý josparlanǵan», deıdi oblys ákimdigi energetıka jáne turǵyn úı-kommýnaldyq sharýashylyq basqarmasynyń basshysy Ǵalym Isaqov.
Basqarma basshysy keltirgen derekke júginsek, qazirgi kezde aýyz sýmen qalalyqtardyń 98 paıyzy qamtylsa, eldi meken turǵyndarynyń 97,8 paıyzy taza sý paıdalanyp otyr.
Jambyl oblysy