Búgin, 8 naýryzda Serbııanyń Nısh qalasynda ótip jatqan bokstan áıelder arasyndaǵy álem chempıonatynyń irikteý kezeńi bastaldy, dep habarlaıdy Egemen.kz.
Alǵashqy jekpe-jegin ótkizý úshin Qazaqstan quramasynyń eki sportshysy sharshy alańǵa shyǵady. Atap aıtsaq, 1/16 fınalda Alýa Balqybekova (50 keli) kenııalyq Nzıvamen judyryqtassa, 1/8 fınalda Eldana Talıpova ózbekstandyq Oltın Sotımbaevanyń sheberligin baıqaıdy.
Álem birinshiligine el quramasy sapynda barlyǵy 12 sportshy attanǵan.
Olar:
Nazym Qyzaıbaı (48 keli),
Alýa Balqybekova (50 keli),
Anıta Adısheva (52 keli),
Jaına Shekerbekova (54 keli),
Karına Ibragımova (57 keli),
Vıktorııa Grafeeva (60 keli),
Aıda Ábikeeva (63 keli),
Jasmın Qızatova (66 keli),
Natalıa Bogdanova (70 keli),
Nadejda Rıabes (75 keli),
Gúlsaıa Erjan (81 keli),
Eldana Talıpova (+81 keli) synǵa túsedi.
Esterińizge sala ketsek, Álem chempıonatynyń irikteý kezeńi 9-13 naýryz aralyǵynda ótedi. Jartylaı fınaldyq jekpe-jekter 14 naýryzǵa belgilengen. Fınal 16 naýryzda ótedi.