Eger siz mindetti áleýmettik medısınalyq saqtandyrý (MÁMS) jarnasyn artyq tólep qoısańyz nemese belgili bir sebepterge baılanysty ony qaıtarǵyńyz kelse, onda bul qarajatty qaıtarýdyń zańdy joldary bar, dep habarlaıdy Egemen.kz.
MÁMS jarnasyn qaıtarýǵa mynandaı azamattar ótinish bere alady:
О́tinish daıyndaý: «Azamattarǵa arnalǵan úkimet» memlekettik korporasııasyna artyq nemese qate tólengen somalardy qaıtarý týraly ótinish jazyńyz. О́tinishke tólemdi rastaıtyn qujattardy (mysaly, túbirtekterdiń kóshirmeleri) qosa tirkeńiz. О́tinish úlgisin Áleýmettik medısınalyq saqtandyrý qorynyń resmı saıtynan alýǵa bolady.
Qujattardy tapsyrý: Daıyndalǵan ótinish pen qosymsha qujattardy «Azamattarǵa arnalǵan úkimet» memlekettik korporasııasynyń jergilikti bólimshesine tapsyryńyz.
О́tinishti qaraý merzimi 15 jumys kúninen aspaıdy. Aqsha tólem jasalǵan tásilmen qaıtarylady.
Eskertý: Eger ótinishti jumys berýshi berse, paıdasyna jarnalar júrgizilgen jeke tulǵadan somalardy qaıtarýǵa kelisim berý týraly ótinish talap etiledi.
Qaıtarýdan bas tartylýy múmkin jaǵdaılar:
О́tinishte banktik derektemeler qate engizilse; О́tinish QR Densaýlyq saqtaý mınıstriniń 2017 jylǵy 30 maýsymdaǵy №478 buıryǵyndaǵy 1-qosymshaǵa sáıkes kelmese; О́tinishte qaıtarý sebepteri durys kórsetilmese; О́tinishke qujattardyń tolyq paketi bekitilmese nemese qujattardy oqý qıyn bolsa; Aqshany qaıtarýǵa eshqandaı negiz bolmasa.