Astanada Ulttyq ulannyń 5573 áskerı bóliminiń sarbazdary joǵalyp qalǵan 12 jastaǵy balaǵa jáne kenetten densaýlyǵy nasharlaǵan áıelge kómek kórsetti, dep habarlaıdy Egemen.kz.
7 naýryz kúni keshki saǵat 19:00 shamasynda Almaty aýdanynda, Beıbitshilik jáne kelisim saraıynyń mańynda áskerı patrýl jasóspirimdi baıqap qalady. Ol ne isterin bilmeı jalǵyz turǵan.
Patrýldiń basshysy Baqythan О́temisov, sondaı-aq sarbazdar Jalǵas Asqarov pen Baǵdat Qydyrhanov balamen sóılesip, onyń telefonynda birliktiń taýsylyp qalǵanyn jáne anasyna habarlasa almaı turǵanyn anyqtady. Sonymen qatar, onyń jolaqysy da bolmaǵan.
Kezekshi sarbaz Áset Suraǵanov balanyń anasyna qońyraý shalyp, jaǵdaıdy túsindirdi. 20 mınýttan keıin áıel kelip, balasyn alyp ketti.