Jambyl oblysynda bilikti maman tapshylyǵy áli de baıqalady. Jergilikti atqarýshy bılik ókilderi aýqymdy jumys atqarǵanymen, medısına salasy áli de bolsa bilikti dárigerlerge zárý, dep habarlaıdy Egemen.kz.
Oblystyq densaýlyq saqtaý basqarmasy basshysynyń mindetin atqarýshy Erik Musabaevtyń aıtýynsha, Jambyl oblysy boıynsha 70 dáriger tapshylyǵy bar.
«Oblystaǵy memlekettik uıymdardaǵy dárigerler tapshylyǵy 2024 jyldyń qorytyndysymen 70 birlik (22 qala, 48 aýyl) boldy. Kadr tapshylyǵy máselesin sheshý maqsatynda jergilikti bıýdjetten joǵary jáne joǵary oqý ornynan keıingi bilimi bar kadrlardy daıarlaý úshin granttar bólinedi.
Jergilikti bıýdjet esebinen joǵary oqý ornynan keıingi bilim alyp (rezıdentýra), oqý bitirgennen keıin Jambyl oblysynyń memlekettik medısınalyq uıymdarynda 5 jyl jumys isteý mindettemesimen 62 dáriger óńirge jumysqa keldi.
Respýblıkalyq bıýdjet esebinen Jambyl oblysyna mamandardy daıarlaýǵa memlekettik tapsyryspen 182 dáriger rezıdentýrada oqıdy. 2024 jyldyń qorytyndysymen 3 893 medısına qyzmetkerleri (onyń ishinde 977 dáriger, 2 916 orta býyn qyzmetkerleri) oqytyldy. Jalpy shetelde 21 dáriger biliktiligin arttyrdy. 2024 jyly óńirge 90 jas maman keldi», deıdi ol.
Jambyl oblysy