10 naýryz kúni Serbııanyń Nısh qalasynda bokstan áıelder arasyndaǵy álem chempıonaty bastaldy. Básekeniń alǵashqy kúninde sharshy alańǵa shyqqan 4 otandasymyzdyń úsheýi jeńiske jetti. Búgin 6 boksshymyz kelesi kezeń joldamasyn sarapqa salady, dep jazady Egemen.kz.
Serbııadaǵy jekpe-jekter kúndizgi jáne keshki sessııada ótip jatyr. Keshe 50 keli salmaq dárejesinde Alýa Balqybekova kenııalyq Veronıka Nzıvany jeńse, 81 keliden joǵary sanatta Eldana Tálipova ózbekstandyq Oltın Sotımboevadan basym tústi. Keshki sessııada Anıta Ádisheva (52 keli) meksıkalyq Patıno Hýraezke jol berdi.
Al búgin saǵat 18:00-de judyryqtasatyn boksshylar: Vıktorııa GrafeevaAlýa BalqybekovaAıda Ábikeeva22:00-de sharshy alańǵa shyǵatyn bylǵary qolǵap sheberleri: Jaına ShekerbekovaGúlsaıa ErjanJasmın Kızatova
Aıta keteıik, Serbııa áıelder arasyndaǵy álem chempıonatyn qabyldaǵan 9-memleket atanyp otyr. Halyqaralyq dodaǵa 12 salmaq dárejesi boıynsha 51 memleketten kelgen 239 boksshy tirkelgen.
Jeńimpazdar 16 naýryz kúni anyqtalady.