Soltústik Qazaqstan oblysynda qumar oıyn oınaǵan memlekettik qyzmetkerler jumystan shyǵaryldy, dep habarlaıdy Egemen.kz.
Oblystyq prokýratýranyń habarlaýynsha, taldaý sheńberinde memlekettik qyzmetshilerdiń qumar oıyndarǵa qatysýy boıynsha sybaılas jemqorlyqqa qarsy shekteýlerdi saqtamaý faktileri anyqtalǵan.
«Máselen, Aqjar aýdany ákimdiginiń qurylys jáne sáýlet bóliminiń bas mamany Zań talaptaryn buza otyryp, «1XBET» býkmekerlik keńsesinde júıeli negizde «stavkalar» qoıýdy júzege asyrǵan. Osyndaı buzýshylyqtar Uıaly aýyldyq okrýgi ákimi apparatynyń jáne Aqjar aýdanynyń bilim bóliminiń bas mamandaryna qatysty anyqtaldy», delingen habarlamada.
Prokýrorlyq qadaǵalaý nátıjesinde atalǵan qyzmetkerler laýazymdarynan bosatylǵan.
Esterińizge sala keteıik, ótken jyldyń shilde aıynda «Sybaılas jemqorlyqqa qarsy is-qımyl týraly» Qazaqstan Respýblıkasynyń Zańyna tolyqtyrýlar engizilip, memlekettik qyzmetshilerge qumar oıyndar oınaýǵa tyıym salynǵan edi. Eger bul talap buzylsa, qyzmetker jumystan teris sebeptermen bosatylady.