Ulybrıtanııanyń shyǵys jaǵalaýynda, Kıngston-apon-Hall qalasynan shamamen 20 shaqyrym qashyqtyqta munaı tankeri men ýly hımıkattardy tasymaldaǵan júk kemesi soqtyǵysty, dep habarlaıdy Egemen.kz Euronews-ke silteme jasap.
Habarlanǵandaı, qatty soqtyǵystan keıin eki keme de órtenip, bir ekıpaj múshesi iz-tússiz joǵalyp ketken.
Oqıǵa ornyna tikushaq, qutqarý qaıyqtary jáne órt sóndirý kemeleri jiberilgen. Apattyń saldaryn joıý jumystaryn Ulybrıtanııanyń jaǵalaý kúzeti úılestiredi.
Aldyn ala málimetterge sáıkes, AQSh týy astyndaǵy Stena Immaculate tankeri Grekııadan kelip, zákirde turǵan kezde Portýgalııa týyn kótergen Solong júk kemesi oǵan soǵylǵan. Júk kemesi Shotlandııanyń Greındjmýt portynan shyǵyp, Nıderlandtyń Rotterdam qalasyna bet alǵan.
Teńizge belgili bir mólsherde janarmaı tógilgeni anyqtalǵan, alaıda júk kemesindegi ýly hımıkattardyń sýǵa túskeni týraly málimet naqtylanbaǵan.
Apattyń sebebi belgisiz, tergeý júrgizilip jatyr. Oqıǵa ornynda qutqarý operasııasy aıaqtalǵan.