Aýyl sharýashylyǵy mınıstrligine qarasty Jer resýrstaryn basqarý komıtetiniń bastamasymen S.Seıfýllın atyndaǵy Qazaq agrotehnıkalyq zertteý ýnıversıtetinde marapattaý sharasy ótti, dep habarlaıdy Egemen.kz.
Sala mınıstrliginiń baspasóz qyzmetiniń málimdeýinshe naýryz aıynyń ekinshi senbisi – jerge ornalastyrý, geodezııa jáne kartografııa kúni sanalady. Marapattaý sharasynyń ashylýynda AShM vıse-mınıstri E.Tasjúrekov, Ulttyq ǵylym akademııasynyń akademıgi Z.Dúısenbekov, Májilis depýtaty N.Áshimbetov quttyqtaý lebizderin jetkizdi.
«Sizderdiń biliktilikterińizdiń arqasynda jer resýrstaryn basqarý júıesi jetildirilip, turaqty damyp keledi. Zalda bolashaq jerge ornalastyrýshy, geodezıst jáne kartograf maman bolatyn stýdentter otyr. Sizder osy salanyń erteńi, elimizdiń bolashaǵysyzdar», dedi E.Tasjúrekov.
Shara barysynda jer salasynda talaı jyl úzdiksiz qyzmet jasap kele jatqan mamandar eńbegi joǵary baǵalanyp, 17 azamat «Qurmetti jerge ornalastyrýshy» salalyq tósbelgisimen, 29 maman «Úzdik jerge ornalastyrýshy» Qurmet dıplomymen marapattaldy.