39 jastaǵy Aqtóbe qalasynyń turǵyny Mináýra Muhtarova jýyrda on birinshi perzentin dúnıege ákeldi. Salmaǵy – 3 680 gramm, boıynyń uzyndyǵy 57 sm bolyp týǵan sábıge Hantóre esimi berildi.
Otaǵasy Aıdyn Ramazanov qaladaǵy qurylys kompanııalarynyń birinde kólik júrgizýshisi bolyp eńbek etedi. Mináýranyń mamandyǵy – muǵalim. Endi otbasynda Hantóreni qosqanda, jeti ul, tórt qyz bar. Ramazanovtardyń tuńǵyshy 17 jasta. Mináýra on birinshi sábıin óziniń týǵan kúninde ómirge ákeldi. Olar qalanyń Eset batyr shaǵyn aýdanyndaǵy kópqabatty úıde turady.
Qasıetti Ramazan aıynda dúnıege kelgen sábıdi anasymen birge 6 naýryzda perzenthanadan shyǵardy. Kópbalaly anany oblystyq perınataldyq ortalyqtyń dárigerleri saltanatpen shyǵaryp saldy.
Aqtóbe oblysy