Bul týraly búgin Ortalyq kommýnıkasııalar qyzmetinde ótken brıfıngte Oqý-aǵartý vıse-mınıstri Edil Ospan málimdedi, dep jazady Egemen.kz.
«DOSBOLLiKe» antıbýllıngtik baǵdarlamasy 2025 jyldyń 1 qyrkúıeginen bastap iske asyrylady. Bul bastama Qazaqstannyń barlyq mektebi men kolledjinde balalardyń emosıonaldyq ál-aýqatyn qoldaýǵa baǵyttalady.
Qazir «DOSBOLLiKe» antıbýllıngtik baǵdarlamasy elimizdiń 9 óńirinde pılottyq rejımde synalyp jatyr. Oǵan 70 myńǵa jýyq oqýshy men 5 myńnan astam pedagog qatysýda.
«Bul bastama oqýshylardyń daý-janjaldarǵa konstrýktıvti túrde jaýap berý daǵdylaryn qalyptastyrýǵa, áleýmettik-emosıonaldyq qabiletterin damytýǵa, tulǵaaralyq jáne toparalyq qarym-qatynastardy ońtaılandyrýǵa, sondaı-aq balalardyń jalpy psıhologııalyq ál-aýqatyn arttyrýǵa baǵyttalǵan. Árbir balanyń ózin qaýipsiz sezinetin jáne tolyqqandy damıtyn ortada bilim alýyna jaǵdaı jasaý – asa mańyzdy qadam», dedi QR Oqý-aǵartý vıse-mınıstri Edil Ospan.
Búginde pılottyq joba aıasynda býllıngtiń aldyn alý, qaqtyǵys oqıǵalarynyń sebebi men faktorlaryn anyqtaý, sondaı-aq olardy sheshý joldaryn túsindirýdi kózdeıtin kýrstar men praktıkalyq sharalar jıi uıymdastyrylady.
Mınıstrlik ókili baǵdarlamanyń maqsat-mindetin ata-analarǵa da túsindirý josparlanyp otyrǵanyn atap ótti.