ASTANA. 5 mamyr. О́zbekstan parlamentiniń tómengi palata qaraýyna «Jergilikti jerlerdegi memlekettik bılik týraly» Zańyna ózgertýler engizý týraly» zań jobasy kelip tústi. Bul týraly podrobno.uz aqparat agenttigi habarlady.
Konstıtýsııanyń 103-babyna engizilgen túzetýlerdi júzege asyrý úshin zań jobasyn bir top depýtat daıyndaǵan. Zańda Halyq depýtattary keńesi tarapynan oblys, aýdan, qalalardyń áleýmettik-ekonomıkalyq damýyna qatysty óte mańyzdy máseleler boıynsha ákimderdiń esep berýin tyńdaý mehanızmi kórsetilgen. Atap aıtqanda, Halyq depýtattary keńesiniń aımaqtyń áleýmettik-ekonomıkalyq órkendeýine arnalǵan otyrysynda Tashkent oblysy men qala ákimderiniń esepterin tyńdaý kózdelip otyr. Bul jıyn Mınıstrler kabınetiniń osyndaı otyrysynan keıin on kún ishinde ótkiziledi. Sondaı-aq, atalǵan otyrysqa Zań palatasynyń depýtattary, Uly májilis senatynyń músheleri, premer-mınıstrdiń orynbasar dárejesindegi ókilderi, Mınıstrler kabınetiniń músheleri jáne aımaqtyń áleýmettik-ekonomıkalyq damýyna jaýapty jetekshilerdi shaqyrý qarastyrylýda.
Aýdandyq (qalalyq) otyrystarǵa Zań palatasy depýtattary, Mınıstrler kabınetiniń senatorlary men múshelerinen bólek, oblystyq depýtattar keńesi, oblys ákimi men onyń orynbasarlary da qatystyrylmaq. Eń bastysy, osyndaı jolmen jergilikti atqarý organdary qyzmetiniń ashyqtyǵyn qamtamasyz etý, turǵyndardy mazalaǵan suraqtarǵa jaýap izdeý, naqty usynystardy engizý men salalar damýyn saraptaǵannan keıin keńes berý múmkindigin arttyrý kózdelýde.
«Zań jobasynda Halyq depýtattary keńesiniń sheshimderi men ákimderdiń esepteri resmı basylymdar jáne jergilikti memlekettik bılik organdarynyń veb-saıttarynda mindetti túrde jarııalanýy qarastyrylǵan. Bul aımaqtardaǵy memlekettik qyzmettiń ashyq ári jarııaly bolýyna sep bolady», – deıdi О́zbekstan Ádilet sosıal-demokratılyq partııasy fraksııasynyń múshesi E.Holerov.
Atalǵan zań jobasy tómengi palatanyń birinshi oqylymynda maquldanǵanyn aıta keteıik.
Elaman Qońyr.
Derek: padrobno.uz.
Sýret: azh.kz.