Rybakına taǵy da utyldy

Tusaýkeser kezdesý­le­rinde Aleksandr Býb­lık (ATR№82) ja­po­nııalyq Iýsýke Vatýnakıge (349), Aleksandr Shevchenko (98) aýstralııalyq Rınkı Hıd­jıkataǵa (83) ese jiberdi. Qos qyzymyz jarysty ekinshi ke­zeńnen bastady. Iýlııa Pý­tınseva (WTA №20) chehııalyq Katerına Sınıakovaǵa (59) jarytyp qarsylyq kórsete almady – 2:6, 2:6.

Elena Rybakına (WTA №7) óz kórermenderin qýantyp, al­dymen fransııalyq Sıýzan Lam­menske (WTA № 64) san soqtyrdy – 6:3, 6:3. Odan keıin ulybrıtanııalyq Ket Býl­termen (WTA №38) kezdesti. Bul básekede de Rybakına óz qarsylasynan basym tústi. 1 sa­ǵat 16 mınýtqa sozylǵan saıys 6:0, 7:5 esebimen aıaqtaldy. 1/8 fınalda ol álemniń 11-raketkasy, reseılik Mırra Andreevamen kúsh synas­ty. Elimizdiń eń úzdik tennısshisi dál osy oıynshymen osydan úsh apta buryn Dýbaıdaǵy dodanyń jartylaı fınalynda sheberlik baıqasyp, ol kezdesýde Andreevanyń asyǵy alshysynan tús­ken edi. Bul joly da Ryba­kınanyń 17 jastaǵy qar­sy­lasyna áli jetpedi – 1:6, 2:6.

Indıan-Ýellstegi týrnırdiń alǵashqy ­aınalymdarynda tosyn nátıjeler de tirkeldi. Eń basty sensasııa – Serbııanyń dańqty tennısshisi Novak Djokovıch oıda-joqta ATR tiziminde 85-orynda turǵan Nıderlandtyń ókili Botık van de Zandshýlpten 2:6, 6:3, 1:6 esebimen utyldy. Sondaı-aq 2021 jylǵy US Open dodasynyń jeńimpazy, ulybrıtanııalyq Emma Radý­kaný japonııalyq Moıýka Ýchı­jımadan jeńildi – 3:6, 2:6. Álemniń ekinshi raketkasy, ger­manııalyq Aleksandr Zverev Qyzǵaldaqtar eliniń taǵy bir oıyn­shysy Tal­lon Grıkspýrge jol berdi – 6:4, ­ 6:7, 6:7.