PETROPAVL. 10 aqpan. Soltústik Qazaqstan oblysynda quqyq qorǵaý organynyń qyzmetkerleri sýpermarketterdiń birinen qumar oıyny bıznesin áshkereledi. Bul týraly oblystyq prokýratýranyń baspasóz qyfzmeti habarlady.
Qalalyq prokýratýra ókilderi sýpermarketterdi tekserý barysynda «Loto-elektronık» elektrondy termınalynda oıyn avtomattary ornalastyrylǵanyn keziktirgen. Anyqtaı kelgende, munda jastardyń jasyryn jınalyp, bos ýaqyttaryn qumar oıyndarmen ótkizetini belgili bolǵan. Reıd kezinde utystan túsken 308 myń teńge alynyp, oıyn avtomattary tárkilendi.
Osy oqıǵaǵa qatysty Qylmystyq Qodekstiń 307-baby boıynsha qylmystyq is qozǵaldy.
О́mir Esqalı.
Derek: Soltústik Qazaqstan oblystyq prokýratýrasynyń baspasóz qyzmeti.
Sýret: «Almaty» telearnasy.