О́tken jyly 431 jospardan tys tekserý júrgizilip, 600-ge jýyq zań buzylǵany anyqtaldy, dep habarlaıdy Egemen.kz Astana qalasy ákimdiginiń baspasóz qyzmetine silteme jasap.
Qala ákimi Jeńis Qasymbek qurylys kompanııalarynyń bári birdeı turǵyn úılerdi sapaly ári zańdy túrde sala bermeıtinin atap ótti.
«Alty kompanııa qurylys lısenzııasynan aıyryldy, sol sııaqty zań men qurylys normalaryn buzǵany úshin 180-nen astam talap-aryz sotqa joldandy. Jerge qatysty tıisti qujat almaı qurylysy bastalǵan tórt nysan sot sheshimimen buzyldy. Atalǵan jumystyń barlyǵy bıyl da jalǵasyp jatyr», dedi Jeńis Qasymbek.
Esterińizge sala keteıik, qurylys-montajdaý jumysy tek qurylys normalary men standarttaryna sáıkes júrgizilýi qajet. Sondaı-aq, qurylys júrgizý jáne montajdaý barysynda oryndalatyn jumystardyń arnaıy bekitilgen jobalyq qujattama men standarttarǵa sáıkestigin únemi tekserip otyrý qajet. Jaýapty tulǵalar oryndalatyn operasııalardyń qaýipsizdik talaptaryna tolyqtaı sáıkestigin qadaǵalaı otyryp, materıaldardyń sapasy men tehnologııalarǵa sáıkestigin baqylaýy kerek.