ASTANA. 10 aqpan. Aqtóbe qalasynda taǵy da oqýshy joǵalyp ketti. Synyptastarymen muzǵa syrǵanaýǵa ketken bala qaıtyp úıine oralmaǵan. Osydan keıin onyń ata-anasy polısııaǵa baryp habar beredi. Bul týraly 24KZ habarlady.
Tártip saqshylary men týystary birlese otyryp, oqýshyny sharq uryp izdeı bastaıdy. On jastaǵy Islam Qazbekovtiń sýretin alyp, búkil qalada izdestirý sharalaryn júrgizgen.
«On ekiden jıyrma mınýt ketkende, Aqtóbe qalalyq ishki ister basqarmasy bastyǵynyń orynbasary ózi jeke shyǵyp patrýldeý kezińde «Mega» oıyn saýyq ortalyǵynyń artynda úlkendersiz, jalǵyz ketip bara jatqan kishkentaı balany kórgen. Qasyna baryp esimin suraǵanda ol Islam ekenin aıtqan», - dedi oblystyq ishki ister departamentiniń baspasóz hatshysy Ardager Ýaıdın.
Osylaısha, arada toǵyz saǵat ótken soń polıseıler Islamdy týystaryna tabystady. Aıta ketý kerek, Aqtóbede buǵan deıin de balalardyń joǵalý derekteri tirkelgen edi. Byltyr bes jasar Temirlan joǵalyp ketip, eki jetiden soń máıiti tabyldy. Al Hromtaý aýdanyndaǵy on bes jasar Leonıd Ishenkodan áli kúnge deıin habar joq.
Qurysh Nurymbet.