Búgin Serbııanyń Nısh qalasynda áıelder arasyndaǵy álem chempıonatynyń jartylaı fınaldyq kezeńi bastalady, dep habarlaıdy Egemen.kz.
Halyqaralyq boks básekesiniń bul kezeńinde 6 otandasymyz fınal joldamasy úshin sharshy alańǵa kóteriledi.
48 kelide Parıj Olımpıadasynyń qola júldegeri Nazym Qyzaıbaı Soltústik Koreıa ókili Rıong Kıong Hongpen sheberlik baıqasady.
50 kelide el namysyn qorǵaıtyn Alýa Balqybekovanyń da qarsylasy soltústikkoreıalyq sportshy An Kým Bıol.
63 kelide Aıda Ábikeeva fınal joldamasyn reseılik Babıcheva Elenamen sarapqa salady.
70 kelide otandasymyz Natalıa Bogdanova ırlandııalyq Lıza Orýk Edelmen judyryqtasady.
81+ kelide Eldana Talıpovanyń jartylaı fınaldaǵy qarsylasy moldovalyq Darıa Sazonova.
60 kelide Vıktorııa Grafeeva jergilikti bylǵary qolǵap sheberi Natalıa Shadrınaǵa qarsy baq synaıdy.
Jekpe-jekter kúndizgi sessııa Astana ýaqytymen 18: 00-de, keshki sessııa 22: 00-de bastalady.