Aıshyqty Amal merekesi

Elordadaǵy Prezıdenttik orta­ly­qta «Naýryz.Tanym.Tarıh» atty ınteraktıvti ekskýrsııalar aptaly­ǵynyń saltanatty ashylý rásimi ótti. Is-sharaǵa mádenıet qaı­rat­kerleri, joǵa­ry oqý oryn­da­rynyń oqytýshylary men stýdentteri, mem­lekettik organ­dardyń ókilderi qatysty.

– Naýryz meıramynyń bas­taýy bolyp sanalatyn Kórisý kúni qystan aman-esen shyqqan el bir-birimen kórisip, aman-saýlyq surasyp, ıgi tilekter aıtqan. Biregeı me­rekege oraı Memleket basshysynyń tapsyrmasymen naýryznama onkún­­digi qolǵa alyndy. Naýryznama­nyń ár kúniniń óz ataýy men mańyzy bar. Prezıdenttik ortalyqtyń naýryznama­ aıasynda uıymdastyryp otyr­ǵan aptalyǵy barysynda kelýshiler taqyryp­tyq eks­­kýrsııalarǵa qatysyp, qa­­zaq­tyń dástúri­men tanysyp, tamashalaı alady, – dedi ortalyq dırektory Baqytjan Temirbolat.

Kórisý kúni – birliktiń, izgi tilekter men syılastyq­tyń belgisi, sondyqtan is-shara jyly ári dostyq atmosfera­da ótti. Is-sharada Erkeǵalı Rah­madıev atyndaǵy memleket­tik akademııalyq fılarmonııa ónerpazy Dıana Maı «Árıaı­daı» ánin oryndasa, Máde­nıet qaıratkeri Nurjamal Shyryn­baeva «Qazaǵym» ánin shyr­qap, kórermenge kóktemgi kóńil kúı syılady. Sonymen birge «Jastar» teatrynyń ártisteri, Táttimbet atyndaǵy  №1 óner mektebiniń daryndy oqý­shy­lary sahnalyq kórinis qo­ıyp, Amal merekesiniń mańy­zyn uqtyrdy.

Konserttik is-sharadan soń kelýshiler qazaqtyń dástúrli kıimderi jáne mýzykalyq aspap­tarymen tanysyp, «Bir já­digerdiń tarıhy» jobasyn tamashalady.

– Kórmemizdegi taıqazannyń mánine toqtalsam, bizde Naýryz meıramy 1926 jyldan 1988 jylǵa deıin toılanbaǵan. Osy taıqazannyń elimizge oralýy naýryzdyń qaıta toı­lanýyna yqpal etti deý­ge bolady. Taıqazan jeti túr­li baǵaly zattardyń qo­syndy­synan jasalǵan. Mu­nyń bir ereksheligi, Qoja Ah­met Iаsaýıdiń shákirtteri taı­qazannyń ishine sý quıyp, súre oqyp, sol sýdyń adamdardy emdeıtin qasıeti bar dep sengen. Árbir jyly Amal mere­­ke­­si barysynda elimizdiń eń myq­ty batyrlary osy taıqazan­dy kóterip jarysqan eken,– dedi ortalyqtyń ekskýrsııa jumysy qyzmetiniń sarapshysy Asqar Nesipbaı.

Sondaı-aq is-sharada kópte­gen mádenı jádiger kórsetilip, Amal merekesiniń qadir-qasıeti aıqyndala tústi.