Eldik aýyzashardyń tálimi mol

Prezıdent jınalǵan qaýymdy Áz-Naýryzdyń bastaýy Kórisý kúnimen quttyqtap, qasıetti Ramazan aıynda tut­qan orazalary qabyl bolýyna tilektestik bildirdi. Sondaı-aq Kókshe jerinde ótken Ulttyq quryltaıdyń kezekti otyrysynda kóptegen salmaqty usynys aıtylyp, qoǵamdy tolǵandy­ryp júrgen mańyzdy máseleler kóterilgenin atap ótti.

– Eldik iste kúsh biriktirý – birtutas ultqa tán qasıet. Siz­der árdaıym azamattyq jaýap­kershiliktiń ozyq úlgisin kórsetip júrsizder. Barshańyzǵa zor rızashylyǵymdy bildiremin. Ramazan aıy – «Aılardyń sultany». Osy kezde azamattary­myz ıgi amaldar jasaýǵa tyrysady. Muqtaj jandarǵa kómek­tesedi. Iman keltirip, rýhanı jaǵy­nan tazarady. Túptep kelgende, munyń bári jurtymyzdyń yntymaǵyn arttyrady. Berekeli birligimizdi bekemdeı túsedi, – dedi Qasym-Jomart Toqaev.

Memleket basshysy ozyq oıly ult retinde tek alǵa qadam basýǵa shaqyrdy.

– Qazirgi bulyńǵyr, turaqsyz álemde halqymyzdyń tutastyǵy asa mańyzdy. Sondyqtan bárimiz sanaly, sabyrly bolaıyq, aǵaıyn! Halyqqa negizgi saıasatymyzdy durys túsindireıik. Jappaı jurtqa úlgi bolaıyq. El ishindegi daryndy, qabiletti azamattarǵa, eń aldymen, jastarǵa jol bereıik. Biz bir el, bir halyq bolyp, eleýli ózgeristerdi birge jasap jatyr­myz. Qazaqstannyń saıası júıe­sin tolyq jańǵyrt­tyq. Jańa ekonomı­kalyq baǵdary­myzǵa saı naq­ty josparymyzdy júze­ge asyra­tyn boldyq. Búginde jan-jaq­ty reformalar óz jemi­sin be­rip jatyr. Osy jolda Ult­tyq quryl­taıdyń erekshe ról atqarǵany sózsiz. Siz­derdiń bastamalaryńyz kóptegen máseleni ýaqtyly sheshýge yq­palyn tıgizýde. Bul baǵyt­taǵy jumys jalǵasa beredi. Men «Ana tili» gazetine bergen suhba­tym­da eli­mizdiń aldynda turǵan jańa min­detterdi atap óttim. Negizgi maq­sat – barshaǵa birdeı múm­kin­­dik beretin Ádiletti Qazaq­stan­dy qurý. Bul adal azamat­tar­dyń qoly­nan keletin is. Adal azamatqa tán qa­­sıetter ıslamnyń gýmanıstik ıdeıa­larymen tereń astasady, – dep sabaqtady sózin Prezıdent.

Qasym-Jomart Toqaev asyl dinimiz halqymyzdyń bitim-bolmysymen, tanym-túsinigimen bite qaınasyp jatqanyna, ata-babalardan mıras bolǵan salt-dástúrimizben sabaqtas ekenine nazar aýdardy.

– Osy qos qundylyq, ıaǵnı din men dástúr – ulttyq biregeıligimizdiń myz­ǵymas tiregi. Dástúrli ıslam – qarań­ǵylyqtan ada, meıirim men jasam­paz­dyqtyń dini. Ultymyzdyń atadan balaǵa jalǵasqan nanym-senimi adam­gershilik qundylyqtarǵa negizdelgen. Solaı bolyp qala beredi. Jurtymyz aq pen qa­rany, jaqsy men jamandy ajyrata bil­geni abzal. Ásirese jastardyń kózi ashyq, kókiregi oıaý bolǵany jón. Olar jasampazdyq jolymen júrýi qajet. Aǵa býyn óskeleń urpaqqa durys baǵyt-baǵ­dar berip otyrýy kerek. Jastarymyz barsha adamzatqa ortaq qundylyqtardy boıyna sińirip ósýge tıis. Ulttyq bolmysymyzdy saqtaı otyryp, jańashyldyq­qa umtylǵany abzal. Sonda biz úırene­tin ári úıretetin ult bolamyz, – dedi Prezıdent.

Memleket basshysy ıslam tazalyqtyń dini ekenin alǵa tartyp, órkenıetti el bolý úshin tazalyq uǵymyn qoǵamda tereń ornyqtyrý máselesine toqtaldy.

– Byltyrdan beri elimizde «Taza Qazaq­stan» aksııasy júrip jatyr. Jalpyult­tyq joba jurtshylyqtyń keń qoldaýyna ıe boldy. Ásirese jastarymyz, sonyń ishinde eriktiler erekshe belsendilik tanytty. Ulttyq quryltaı músheleri de ıgi iske atsalysty. «Taza Qazaqstan» jaı naýqan emes ekenin men birneshe ret aıttym. Onyń túpki mazmuny kósheni, aýlany tazalaýmen shektelmeıdi. Bul – ulttyq bolmysymyzǵa qatysy bar másele, tutas elimizdiń kelbetin ózgertetin bastama, – dedi Qasym-Jomart Toqaev.

Memleket basshysy sózin qorytyn­dylaı kele, qazirgideı geosaıası ahýal kúr­delengen almaǵaıyp kezeńde ynty­maǵy­myzdy nyǵaıta túsý mańyzdy ekenin eske saldy.

«Tatý elde turaqtylyq pen tynyshtyq bolady. Birligi myqty el órkendeıdi. Qasıetti Ramazan aıy elimiz úshin jaqsy­lyqqa toly, sharapaty mol aı bolsyn. Orazada nıet etken duǵa-tilekterińiz qabyl bolsyn! Elimiz aman, jurtymyz tynysh bolsyn! – dedi Prezıdent.