Ata-anasynyń aıtýynsha, keshki ýaqytta bala ishi aýyrǵanyn aıtyp shaǵymdanǵan. Sodan ony aýrýhanaǵa alyp kelgen, dep habarlaıdy Egemen.kz.
Dárigerler balany bastan-aıaq tekserip, rentgennen balanyń ishinde bógde zattyń baryn baıqaǵan. Alaıda ekran arqyly ushy úshkir, ishekke jabysyp qalǵan ne ekenin anyqtaı almaǵan. Balanyń jaǵdaıy ýshyǵyp ketkendikten oǵan shuǵyl túrde ota jasalǵan. Sol kezde dárigerler onyń ishek joldarynan tis shuqyǵyshty alyp shyqqan.
О́ńeshten ótken tis shuqyǵysh ishek jolynyń ortasyna kelgende tirelip qalǵan. Al ishekke bite qabysyp ketkenine qaraǵanda, bala ony birneshe jyl buryn jutyp qoıǵan bolýy múmkin. Qazir balanyń jaǵdaıy jaqsy.
- ÝZI, KT zertteýinde isik tárizdi bógde dene bar degen kúmánmen jedel operasııaǵa alyndy. Dıagnostıka laparoskopııa kezinde isik ashylǵanda uzaq ýaqyt bolǵan bógde deneniń tis shuqyǵysh ekeni anyqtaldy, – deıdi Astana qalalyq №2 kópbeıindi aýrýhananyń hırýrgi Ásem Shákeeva.