Bıyl respýblıkalyq mańyzy bar avtojoldarda jalpy uzyndyǵy 96,5 km bolatyn 326 sý tasqyny qaýpi bar ýchaske anyqtalǵan, dep jazady Egemen.kz.
Sý tasqyny qaýpi bar ýchaskeler 9 óńirde anyqtaldy:
Aqmola (40 ýchaske), Qostanaı (37 ýchaske), Soltústik Qazaqstan (35 ýchaske), Aqtóbe (31 ýchaske), Almaty (29 ýchaske), Qaraǵandy (25 ýchaske), Atyraý (24 ýchaske), Shyǵys Qazaqstan (22 ýchaske), Abaı (22 ýchaske) oblystarynda erigen qar sýlarynyń tasýy jáne jol jabyndysyna zaqym keltirý qaýpi bar.
Kóktemgi qar sýlarynyń ótýin qamtamasyz etý jáne sý tasqynynyń jol betine jaıylýyn boldyrmaý úshin sý ótkizgish qubyrlardy tazalaý jumystary belsendi júrgizilip jatyr. Búginde 8 891 qubyrdyń 7 294-i (jospardyń 82%) tazalanyp, ashyldy.
Qum – 24,1 myń m3, QShQ (qum-shaǵyl qospasy) – 38,6 myń m3, tas – 15,8 myń m3 jáne qaptar – 303 myń. Sonymen qatar kóktemgi sý tasqyny kezeńinde qysqy kezeńnen qalǵan 150 myń m3-den astam qum men untaq qosymsha paıdalanylatyn bolady.