Premer-mınıstrdiń birinshi orynbasary Roman Sklıar Qytaı Halyq Respýblıkasyna jumys saparymen bardy, dep jazady Egemen.kz.
Roman Sklıar jumys sapary aıasynda Qazaqstan-Qytaı Yntymaqtastyq komıtetiniń 12-shi otyrysyna qatysty.
Komıtet otyrysy barysynda eki eldiń ortalyq memlekettik organdary ókilderiniń qatysýymen kedergisiz saýdany damytý úshin qolaıly jaǵdaı jasaý, eki eldiń kólik salasyndaǵy ózara baılanysyn nyǵaıtý, óndiristi lokalızasııalaý arqyly Qazaqstan aýmaǵynda birlesken ınvestısııalyq jobalardy iske asyrý, sondaı-aq mádenı-gýmanıtarlyq yntymaqtastyqty keńeıtý máseleleri talqylandy.
Is-shara qorytyndysy boıynsha taraptar Qazaqstan-Qytaı Yntymaqtastyq komıteti 12-shi otyrysynyń hattamasyna qol qoıdy. Taraptar Komıtettiń qyzmetin jetildirý maqsatynda onyń quramyna Indýstrııalyq-ınvestısııalyq yntymaqtastyq jónindegi úılestirý komıtetin qosý jáne Bilim salasyndaǵy yntymaqtastyq jóninde kishi komıtet qurý týraly sheshim qabyldady. Sondaı-aq taraptar sý resýrstary jáne muraǵat salasyndaǵy vedomstvoaralyq yntymaqtastyqty nyǵaıtý jónindegi qujattarǵa qol qoıdy.
QHR Memlekettik keńesi Premeriniń orynbasary Dın Sıýesıanmen ekijaqty kelissózder barysynda Qazaqstan men QHR úkimetteri yntymaqtastyǵynyń negizgi baǵyttary talqylandy, sondaı-aq saýda, ınvestısııalar, kólik jáne logıstıka, aýyl sharýashylyǵy, energetıka, týrızm salalaryndaǵy ózara is-qımyldy nyǵaıtýǵa erekshe nazar aýdaryldy.
Taraptar Qazaqstan men Qytaıdyń arasyndaǵy keń aýqymdy máseleler boıynsha yntymaqtastyqtyń damý dınamıkasyn oń baǵalady. О́tken jyldyń qorytyndysy boıynsha ekijaqty saýda kólemi $43,8 mlrd-qa jetken.
Sapar aıasynda qytaılyq kompanııalardyń metallýrgııa, energetıka, mashına jasaý jáne agroónerkásiptik keshen salalarynyń kóshbasshylarymen birqatar kezdesý ótti. Qazaqstandyq delegasııa quramynda salalyq mınıstrlikter men iri otandyq kásiporyndardyń basshylary da bar.
Qazaqstanda kómir hımııasy, kólik jasaý, aýyl sharýashylyǵy ónimderin tereń óńdeý jáne jańartylatyn energııa kózderi salasyndaǵy birlesken ınvestısııalyq jobalardy iske asyrý boıynsha keleshekte atqarylýy tıis ister de talqylandy.
Premer-mınıstrdiń birinshi orynbasary ónerkásipti damytý elimiz úshin mańyzdy basym mindet bolyp sanalatynyn atap ótip, qytaılyq kompanııalardy qazaqstandyq bıznes-qoǵamdastyqpen tyǵyz áriptestikke shaqyrdy.
О́z kezeginde Qytaıdyń jetekshi kompanııalarynyń ókilderi strategııalyq jobalardy iske asyrý úshin senimdi seriktes retinde Qazaqstanǵa qyzyǵýshylyq tanytty.