Túrkistanda «Túrkistan – túrki áleminiń rýhanı astanasy» atty respýblıkalyq týrıstik forýmy ótti. Forýmǵa Ortalyq Azııa elderiniń týrızm salasyndaǵy bıznes ókilderi men qolónershileri qatysty.
Atalǵan forým qalanyń mán-mańyzyn taǵy bir márte aıshyqtap, túrki elderiniń týrıstik áleýetin damytýǵa baǵyttalǵan. Bul is-shara mádenı, tarıhı baılanystardy nyǵaıtyp qana qoımaı, uly babalar jolyn jańǵyrtýǵa da septigin tıgizedi.
Forým aıasynda qazaqtyń ulttyq óneri dáriptelip, qolóner sheberleriniń týyndylary, ulttyq taǵamdar, erekshe etno-festıvalder forýmnyń ajaryn asha túspek. Túrkistannyń bul kúnderi bir ǵana qala emes, tutas túrki jurtynyń basyn qosatyn rýhanı merekege aınalatyny anyq.
Túrki áleminiń túp tamyrynan syr shertetin bul basqosý – tek qana týrıstik emes, mádenı jáne rýhanı sabaqtastyqtyń aıǵaǵy. О́tkenin qadirlegen eldiń bolashaǵy jarqyn bolmaq. Túrkistanǵa kelgen jan ata-baba amanatyna bir taban jaqyndaı túseri sózsiz.