Jezqazǵan qalasyndaǵy «Kinoplexx» kınoteatrynda «Taǵdyrlar – 2» atty áleýmettik fılmderdiń tanystyrylymy ótti. «Balanyń jylýy», «О́zge ómir», «Jaman oı», «Sońǵy tilek», «Otbasy shekarasy» dep atalatyn bes qysqa metrajdy fılm Jezqazǵan qalasy ákimdiginiń tapsyrysymen túsirilgen.
Bas prodıýser Erkebulan Moldashov, Jezqazǵan qalalyq máslıhatynyń tóraǵasy Raýshan Qaparova, Jezqazǵan qalalyq ishki saıasat bóliminiń basshysy Qalamqas Ábdýalıeva shynaıy ómirden alynǵan kıno týyndylary qoǵamdaǵy keleńsiz oqıǵalardan aýlaq bolyp, jaqsydan úırenip, jamannan jırenýge nasıhattaıtynyn tilge tıek etti.
«О́zge ómir» fılminde jaýynnan keıin shyqqan sańyraýqulaqtaı qaptap ketken aqyly koýchtardy tyńdaǵan jas kelinshek aırandaı uıyp otyrǵan otbasyn talqan ete jazdaıdy. Abyroı bolǵanda tez aqylǵa keledi.
Fılmderde taǵdyr tálkegine, alaıaq adamdardyń arbaýyna túsip, dármensiz jaǵdaıǵa túsken jandarǵa sol shyrmaýyqtan shyǵýdyń joldaryn kórsetedi. Adasqan jastar qaıda barý kerek, kimnen keńes alý kerek degen saýaldyń jaýabyn tapqandaı bolady. Kúndelikti ómirde kezdesetin oqıǵalardy arqaý etken fılmder kórermenge úlken oı salady, sabaq bolady.
Fılmde Serke Qojamqulov atyndaǵy Jezqazǵan qazaq mýzykalyq-drama teatrynyń ártisteri, qatardaǵy qarapaıym azamattar oınaǵan.
«Er-Nar Media» kınostýdııasynyń rejısseri, tanymal akter Shapaǵat Orynbaı: «Bizdiń stýdııa elimiz boıynsha áleýmettik fılmderdi túsiredi. Osy jobamen on jyl boıy aınalysyp kelemiz. Áleýmettik fılmniń taqyryby ár túrli. Búgingi fılmdi Jezqazǵan qalalyq ákimdiginiń tapsyrysy boıynsha «Er-Nar Media» kınostýdııasy jasady. Fılmderdi bizdiń portaldaǵy YouTube arnasyna aı saıyn bir-birden shyǵaryp turamyz. Búgingi tańda YouTube arnamyzda tapsyryspen túsirilgen 30 shaqty fılm, tık-tok jelilerinde 1,5-2 mıllıon qaralym bar», deıdi.
Ulytaý oblysy