Osy jyldyń eki aıynda qyzmettik ıtter 600 kılogramnan astam esirtki, onyń ishinde 48 kılogramm sıntetıkalyq esirtkini anyqtap, taralýynyń aldyn aldy, dep jazady Egemen.kz.
Qazirgi ýaqytta IIM kınologııalyq bólinisteriniń qyzmetkerleri «Zań jáne Tártip» qaǵıdaty aıasynda eldiń barlyq aýmaǵynda esirtki quqyq buzýshylyqtaryn anyqtaý boıynsha jedel-profılaktıkalyq jáne reıdtik is-sharalar ótkizip jatyr. SQO-da reıd kezinde jolda toqtatylǵan avtokólikten Vıola laqap atty qyzmettik-izdestirý ıti 30 gramnan asatyn mefedron esirtki zatyn tapqan. Al ustalǵan adam esirtki jasyrýshysy bolyp shyqqan.Osyǵan uqsas jaǵdaı respýblıkalyq mańyzy bar Almaty - Astana avtojolynda bolǵan. Onda polısııa qyzmetkerleri tekserý úshin kólikti toqtatyp, tekserý barysynda Teıa qyzmettik ıtiniń kómegimen jalpy salmaǵy 11 kılogramnan asatyn gashısh esirtkisi tárkilengen.