Elorda ákimdigi Baıqońyr aýdanynda 1000 baýyrsaq taratylǵanyn habarlady, dep jazady Egemen.kz.
Áz-Naýryz meıramy molshylyqtyń bastaýy. Ulttyq qundylyqtarymyz jańǵyryp, qazaqy dastarhannyń molshylyǵy men ulttyq taǵamdarymyz kópke usynylatyn mereke.
Osyǵan oraı, aýdan turǵyndary men qala qonaqtaryna ystyq baýyrsaq taratyldy. Turǵyndar merekelik quttyqtaýlaryn joldady.
Aıta keteıik, 14 naýryzda Naýryznamanyń onkúndigi bastaldy. Osy 10 kún ishinde Astanada merekege oraı 200-den astam aýqymdy is-shara – konsertter, kórmeler, spektaklder, shyǵarmashylyq keshter jáne t.b. ótip jatyr.
Al 21-22 naýryz kúni elordanyń qalalyq alańynda, «Qazaq eli» jáne «Báıterek» monýmentteriniń janynda, «Astana Arena» stadıony men EKSPO alańynyń aýmaǵynda qazaqstandyq estrada juldyzdarynyń qatysýymen negizgi merekelik konsertter ótedi.