Memleket basshysy AQSh Kongresiniń О́kilder palatasynyń múshesi Kerol Mıllerdi qabyldady, dep jazady Egemen.kz.
Qasym-Jomart Toqaev bul kezdesýdiń eki memleket arasyndaǵy yntymaqtastyqqa tyń serpin berý turǵysynan mańyzy zor ekenine nazar aýdardy. Prezıdenttiń aıtýynsha, táýelsizdik alǵan sátten bastap AQSh Qazaqstannyń senimdi seriktesi sanalady.
Qazaqstan Prezıdenti óńirlik jáne halyqaralyq qaýipsizdikti qamtamasyz etý, ıadrolyq qarýdy taratpaý sekildi negizgi salalardaǵy, sondaı-aq saýda-ekonomıkalyq, ınvestısııalyq yqpaldastyqtaǵy birlesken tabystardy atap ótti. Memleket basshysynyń aıtýynsha, eki el arasyndaǵy taýar aınalymy turaqty túrde ósip, 4 mıllıard dollardan asqan.
Kerol Mıller syı-qurmet kórsetkeni úshin Qazaqstan Prezıdentine alǵys aıtyp, AQSh-tyń nátıjeli dıalogty jalǵastyrýǵa múddeli ekenin jetkizdi.
Áńgimelesý barysynda ekijaqty qarym-qatynastyń negizgi máseleleri talqylandy. Ásirese, energetıkalyq jáne ınfraqurylymdyq jobalardy júzege asyrýǵa, sıfrlyq tehnologııalar men jasandy ıntellektini damytýǵa, sondaı-aq memleketter arasyndaǵy kólik-logıstıka baılanystaryn keńeıtýge aıryqsha mán berildi.
Budan bólek, Qasym-Jomart Toqaev pen Kerol Mıller óńirlik jáne halyqaralyq kún tártibindegi ózekti máseleler jóninde pikir almasty.