Búgin, 20 naýryzda Dúnıejúzilik stomatologııalyq qaýymdastyqtyń (FDI) bastamasymen ótkiziletin Dúnıejúzilik aýyz qýysynyń densaýlyǵy kúni (World Oral Health Day) atap ótiledi, dep habarlaıdy Egemen.kz.
Mektepke deıingi, orta bilim berý uıymdaryndaǵy balalardyń aýyz qýysyn profılaktıkalyq qarap-tekserý jyl saıyn 2 jastan 17 jasqa deıin júrgiziledi. Sońǵy jyldary Qazaqstanda tekserilgen 10 balanyń 7-ýine tisjegi bar tister dıagnozy qoıylǵan.
Osyǵan baılanysty, byltyr Densaýlyq saqtaý mınıstrligi 2024-2028 jyldarǵa arnalǵan «Bolashaqqa – saý tispen» mektep jasyndaǵy balalardyń stomatologııalyq aýrýlarynyń profılaktıkasyn jetildirý jónindegi jol kartasyn bekitken.
Densaýlyq saqtaý mınıstrliginiń málimetinshe mektepterde 145 stomatologııalyq kabınet jumys isteıdi, 2025 jyly taǵy 195 stomatologııalyq aýrýlardyń profılaktıkasy kabınetin ashý josparlanyp otyr.
Búginde elimizdiń mektep uıymdarynda stomatologııalyq aýrýlardyń profılaktıkasy boıynsha foto jáne beınematerıaldardy, oqýshylarǵa arnalǵan aýyz qýysynyń gıgıenasy sabaqtaryn, stomatolog dárigerlerge, dantısterge jáne stomatologııalyq gıgıenısterge arnalǵan ǵylymı-praktıkalyq konferensııalardy paıdalana otyryp, keń aýqymdy sanıtarııalyq-aǵartý jumystary júrgizilip jatyr.