Muqtaj balalarǵa kompıýter syılady

«Beeline Qazaqstan» kompanııasynyń uzaq merzimdi «Sheksiz múmkindikter» respýblıkalyq qaıyrymdylyq jobasynyń arqasynda elimiz boıynsha áleýmettik mekemelerde erekshe bilim alýdy qajet etetin múmkindigi shekteýli balalar 50 Mbıt/sek jyldamdyqtaǵy tegin ınternetke qol jetkizetin boldy. Bıylǵy jylǵy jobanyń alǵashqy qatysýshysy – «Keńes» keshendi saýyqtyrý ortalyǵy. Qurylǵanyna 23 jyl tolyp otyrǵan «Keńes» keshendi saýyqtyrý ortalyǵynda búginde qozǵalý, sóıleý, oılaý qabiletiniń aqaýlary men psıhıkalyq buzylystary bar balalar týylǵan sátinen bastap 18 jasqa tolǵansha oqyp, bilim alady. Saýyqtyrý ortalyǵy aýyr aýytqýshylyqtary bar balalardy qoldaýmen, áleýmettik beıimdeýmen, áleýmettendirýmen, yqpaldandyrýmen aınalysady, sondaı-aq, erekshe bilim alý muqtajdyqtary bar balalardy qarapaıym balalar ortasyna qosýmen aınalysady. Conymen birge, atalmysh ortalyq búkil respýblıka boıynsha osyndaı damýynda ártúrli aqaýlary bar balalarǵa arnalǵan avtorlyq ádistemeler úlgisin ázirlep, taratady. – Bizdiń ortalyqtyń negizgi mindeti – osyndaı erekshe balalar úshin qoǵamda qolaıly klımat jasaý. Bizdiń qyzmetkerler 23 jyl boıy óz tárbıelenýshilerin saýyqtyrýda óz úlesterin qosyp, keshendi jobalar daıyndap keledi. Mine, osy qyzmetti atqarýda ınter­nettiń múmkindigi mol. Onymen qosa, ózimizge qajetti mańyzdy aqparattardy jınap, paıdalanýǵa, sondaı-aq, tárbıelenýshilerdiń aldaǵy ýaqytta jumysqa turyp ketýi úshin kompıýter úıretip, ınternet-saýattaryn ashýyna da úlken kómek bolmaq. Biz Beeline kompanııasyna jańa múmkinshilikter usyn­ǵany úshin alǵysymyzdy bildiremiz, – dedi ortalyqtyń bas dırektory Maıra Súleeva. Atalmysh jobaǵa kelsek, Beeline Business brendiniń áleýmettik bastamasy 2014 jyly iske qo­sylǵan. Naryqtyń korporatıvtik segmentindegi biregeı brend mobıldi jáne tııanaqtalǵan qyzmetter kórsetedi, onyń baǵdarlamasy boıynsha Pavlodar, Almaty, Shymkent jáne Petropavl qalalaryndaǵy áleýmettik mekemeler jyldamdyqty ınternetke qo­sylǵan. Osy ýaqytqa deıin bir jarym myńǵa jýyq bala jyldamdyqty ınternetke qol jetkizse, olardyń arasynda kórý jáne estý qabileti buzylǵan, tirek-qozǵalys apparatynyń syrqatyna shal­dyqqan balalar da bar. 2015 jyldyń sońyna deıin respýblıka boıynsha 12 mekemeni qosý josparlanýda. Barlyq mekemeler kompanııanyń korporatıvtik volonterlik baǵdarlamasy sheńberinde Beeline qamqorlyǵyndaǵy nysan márte­besine ıe bolady. – Bizdiń áleýmettik jobamyz – jumysqa ornalasýda óz quqyqtary barysynda týyndaıtyn qıyndyqtardy joıýǵa baǵyt­talǵan, – dep túsindirdi 2Day Telecom (TM Beeline Business) JShS-niń bas dırek­tory Tuńǵyshbek Battalhanov. – Aıta keter­lik jaıt, ótken aptada Qazaqstanda «Mú­ge­dekterdiń quqyqtary jónindegi kon­vensııany bekitý týraly» zań jobasy qa­byl­dandy. Bul – elimizdiń jasaǵan úlken qa­damy, óıtkeni, zańnyń qabyldanýy múm­kindigi shekteýli adamdarǵa basqa azamat­tar­men qatar bilimge, eńbekke, aqparatqa já­ne baılanysqa qol jetkizýine múmkindik beredi. 2Day Telecom JShS kompanııasy «Úıdegi Internet» jáne Beeline Business saýda markalarymen QR aýmaǵyndaǵy jetekshi tııanaqtalǵan baılanys operatorlarynyń biri bolyp tabylady. 2014 jyldyń úshinshi toqsanynyń qorytyndysy boıynsha, Beeline qyzmetterin 9,8 mıllıon klıent paıdalanyp, 2DayTelecom JShS-niń «Úıdegi Internet» qyzmetine 300 myńnan astam abonent qosylǵan. Gúlzeınep SÁDIRQYZY, «Egemen Qazaqstan».