Atyraýda Naýryz merekesi qarsańyndaǵy Shańyraq kúnine oraı 97 otbasy shattyqqa bólendi. Olarǵa munaıly shahardaǵy «Aıagóz» jáne «Modern» turǵyn úı kesheninen jańa páter berildi.
«Shańyraq kúnine oraı bir top atyraýlyqty qýantýdy kózdedik. О́ıtkeni ár otbasynyń baqýatty turmysy men qýanyshynyń ushqyny turǵylyqty mekeninen bastaý alady. Jańa páter úlken ómirge betburystyń alǵashqy qadamy, shańyraqtyń tútini men urpaq sabaqtastyǵynyń belgisi bolǵanyn qalaımyn. Qazaqtyń «Shańyraǵyńnan shattyq arylmasyn» degen jaqsy tilegi bar. Jańa baspanaǵa qonys aýdarǵan otbasylardyń qýanyshy uzaǵynan bolsyn», dedi qala ákimi Shákir Keıkin.
Ákimniń málimetinshe, páter kiltin alǵandar qatarynda kópbalaly 32, turmysy tómen 42 otbasy bar. Sondaı-aq birinshi jáne ekinshi toptaǵy múgedekter, asyraýshysy joq jalǵyzbasty analar, múmkindigi shekteýli bala tárbıelep otyrǵan otbasylar men zeınetkerler, ata-ana qamqorlyǵynan aıyrylǵan 19 jasóspirim qamtylǵan.
Jańa páterge ıe bolǵandardyń biri – Olga Naýmes. Atyraý qalasynyń turǵyny 11 jyldan beri týystarynyń úıin panalap kelgen.
«Biz úshin búgin – óte mańyzdy ári qýanyshty kún. Dál Shańyraq kúni merekesinde óz páterimizge qol jetkizgenimizge óte qýanyshtymyz. Uzaq jyl turǵyn úı kezeginde turǵan jandardyń bárine aıtarym, olar da meniń otbasym sekildi qýanyshqa kenelsin», deıdi O.Naýmes.
Atyraý oblysy